Msanii mkongwe wa miaka ya 90, Mzee Stephen Hizza ambae aliimba wimbo Tanzania yetu ni nchi ya kupendeza anahitaji msaada wa matibabu anayopatiwa kipindi hiki ambacho yuko hospitali.Inaripotiwa kuwa Mzee Stephen yuko hospitali ya Muhimbili katika wodi ya Kibasila chumba namba 14 akiwa amelazwa huku ikisemekana kuwa anasumbuliwa na tezi dume.
Mzee Stephen ndie aliyekuwa mtunzi wa wimbo wa kuisifu Tanzania wimbo ambao aliutunga na kuuimba mwaka 1966 miaka mitano tangu Tanzania kupata uhuru ambapo kipindi hicho alikuwa chini ya bendi ya Atomic jazz band iliyokuwepo mkoani Tanga.
Mara ya mwisho Mzee Stephen kusikika ilikuwa ni mwaka 2011 alipohojiwa kipindi Tanzania ilipokuwa ikitimiza miaka 50 ya uhuru.
Watu mbalimbali wameombwa kumsaidia mzee huyo kwa chochote walichonacho na hata kama wanaweza kwenda kwa ajili ya kumuona pia wanaweza kwenda katika hospitali hiyo,