Tag: shilole-and-uchebe-news

Mume wa Msanii wa Bongo fleva Zuwena Mohamed maarufu kama Shilole, Ashraf Uchebe amepewa pongezi nyingi na wasanii mbali mbai Baada ya kuweza kumbadilisha mke wake.

Wasanii wa Bongo movie kama vile Jacob Steven ‘JB’, Steven Mengele ‘Nyerere’ na Single Mtambalike ‘Richie’ wamejikuta wakimpa ­pongeza shemeji yao, Uchebe kwa kumbadili na kumuweka kwenye maadili ya kidini tofauti na alivy­okuwa zamani.

Global Publishers wanaripoti kuwa tukio hilo la kumpongeza Uchebe lilichukua nafasi kwenye msiba wa msanii mwenzao Salome Nonge ‘Mama Abdul’ baada ya Shilole kuonekana kubadilika sana kwani hata mmoja wa wasanii alipommwagia pombe kwa bahati mbaya, alionesha kumaindi kuliko maelezo.

Jamani Uchebe hongera sana maana kazi uliyofanya sio ndogo, nakuambia ni kazi kubwa. Yaani dada yetu Shilole leo hii anaona pombe anaruka hivi? Shemeji yetu hongera, umetukosha“.

Shilole alifunga ndoa na Uchebe mwaka juzi na tangu afunge ndoa ameonekana akiwa kama mwanamke tofauti kama alivyokuwa awali na hata kuonekana akiwa ameanika dini zaidi.

Msanii wa muziki wa Bongo fleva Zuwena Mohamed maarufu kama Shilole amewajia juu na kuwatolea uvivu wanawake wanaomuwinda Mume Wake wa ndoa Uchebe.

Kupitia ukurasa wake wa Instagram, Shilole amevunja ukimya, awatolea uvivu wanawake wanaomuwinda mume wake akisisitiza ametumia nguvu kubwa kumpa mwonekano alionao sasa.

Niliridhika na hali yako tangu mwanzo Mpaka sasa unashaini ila wadangaji msivyo na haya mnaanza kumwambia mume Wangu Uchebe amekuwa handsome. Mkome namtunza zamani mlikuwa wapi?”.

Shilole alifunga ndoa na Uchebe Desemba ya mwaka 2017 kabla ya hapo Uchebe alikuwa Fundi gereji na asiyejulikana Lakini tangu ameanza mapenzi na Shilole ameonekana kunawiri na Hivi sasa anaishi maisha ya kifahari na msanii huyo.

Msanii wa muziki wa Bongo fleva nchini Zuwena Mohamed maarufu Kama Shilole amefunguka na kuanika sababu zinazomfabya mpaka leo hii asimzalie mume Wake Ashraf Uchebe.

Kwenye mahojiano aliyofanya na kipindi cha Enews cha EATV, Shilole ameweka wazi kuwa sababu pekee iliyomfanya Mpaka sasa hajamzalia Mumewe Uchebe ni sababu anaamini Mungu bado hajambariki Mtoto kwa sasa kwani Mtoto ni zawadi kutoka kwa Mungu.

Lakini pia Shilole ameweka wazi kuwa wao Kama wana ndoa wamekuwa wakijaribu kwa kipindi kirefu sasa kutafuta Mtoto lakini majaaliwa ya Mwenyezi Mungu hayajatimia bado.

Sisi tulikuwa tunatafuta Tupate Mtoto lakini bado hatujajaliwa, unajua mtoto sio kwamba mtu unapachikwa tu, mtoto anatafutwa na hatafutwi siku moja watu wanakaa miaka hata 10 na hwapati Mtoto na wako kwenye ndoa, Mimi tayari Nina watoto wawili na hata hao wengine hawakupatikana hivi hivi”.

Shilole tayari ni mama wa watoto wawili wa kike aliozaa na aliyekuwa mume Wake ambaye pia alifariki Wiki chache zilizopita.

Msanii wa muziki wa Bongo fleva nchini Zuwena Mohamed maarufu kama Shilole amefunguka na kuweka wazi kuwa sababu za mume wake Asharaf Uchebe kuwa video king kwenye video yake.

Siku chache zilizopita Shilole ameachia wimbo wake mpya unaoenda kwa jina la ‘Champion’ na ndani ya video hiyo mumen wake Uchebe amesimama kama video king hali iliyopelekea mashabiki kuhisi huenda msanii huyo amejiingiza kwenye sanaa rasmi.

Kwenye mahojiano aliyofanya na Global Publishers , Shilole alisema kuwa, mumewe huyo huwa hapendi sana kumuona akishuti video na wanaume huku ‘akibambiwabambiwa’ hivyo ili kumfanya awe na amani ndipo akamtumia yeye kwenye video hiyo.

Ule wimbo kwanza nilimuimbia yeye, lakini Uchebe ana wivu sana, huwa hapendi kuona nashikwashikwa na wanaume kwenye video au hata kwenye steji, ndiyo maana nikaona kwa wimbo huu ambao nimemuimbia, siyo vibaya nikamtumia na kakinogesha kichupa ile mbaya”.

Mume wa staa wa Bongo fleva na mjasiriamali Zuwena Mohamed maarufu kama Shilole, Asharaf Uchebe amewachimba mkwara wanaume wowote ambao wanataka kuingilia ndoa yake na Shilole.

Uchebe amefunguka na kudai kuwa atakuwa tayari kwenda hata jela endapo atagundua kuwa kuna mwanaume anamtaka mke wake au hata atagundua kuwa anasalitiwa.

Kwenye mahojiano na Ijumaa Wikienda , Uchebe alisema kuwa anajua anapata tabu gani kuhakikisha anailinda ndoa yake hivyo ataumia sana atakapomkuta mwanaume mwingine anamrubuni mkewe na anaweza kufanya kitu ambacho hakikutarajiwa na watu wengi.

Mimi nampenda sana mke wangu najua wazi ni kiasi gani naumia kuilinda ndoa yangu isiingiliwe na kidudu mtu ila watu hawezi kuelewa hata kidogo hivyo kama nitamkuta mwanaume yeyote au nikimfumania mke wangu huyo mwanaume ama zake ama zangu”.

Shilole na Uchebe walifunga ndoa mwaka jana mwishoni.

Msanii wa Bongo fleva Zuwena Mohamed maarufu kama Shilole amewataka wasanii wenzake wa kike Kuolewa katika mwezi huu mtukufu wa Ramadhani ili waache kufanya zinaa.

Shilole ambaye alifunga ndoa na mume wake Ashraf Uchebe mwaka jana mwishoni ameonekana kifurahia ndoa hasa kipindi hiki cha mwezi mtukufu wa Ramadhani.

Kwenye mahojiano na Ijumaa Wikienda, Shilole amekiri kuwa katika mfungo wa mwaka huu, anaona raha mno kwani ndiyo kwa mara ya kwanza umemkuta ndani ya ndoa na amekuwa akifunga na kufanya dua na mumewe tofauti na miaka mingine ambayo alikuwa hajaolewa, alikuwa akilegalega kufanya sala na kufunga.

Huu ni mfungo wa kipekee kwangu kwani ndiyo kwanza umenikuta ndani ya ndoa, kiukweli ninajisikia raha mno ambayo sikuwahi kuipata awali”.

Lakini pia Shilole aliwataka mastaa wa kike ambao hawajaolewa wajitahidi waolewe na waachane na kuzini kwa sababu dua zao ndipo zitakapopokelewa pia anawaombea ili wapate waume wema kama yeye alivyopata mume mwema anayemuongoza katika njia nzuri ya kumjua zaidi Mwenyezi Mungu.

Mwanamuziki wa Bongo fleva Zuwena Mohamed maarufu kwa jina la usanii kama Shilole amekana Tetesi za kuwa yeye ni mjamzito na kudai amenenepeana kwa sababu ya raha za ndoa.

Tetesi za Shilole kuwa mjamzito zimekuwa zikishika kasi tangu Afunge ndoa ya ghafla na mume wake Uchebe mwaka jana mwishoni.

Na taarifa hizo zinatokana na kiukweli Shilole amenenepa sana na kujiachia mwili wake kiasi ya kwamba kuwa na mwili mkubwa tofauti na alivyokuwa siku za nyuma.

Kwenye mahojiano aliyofanya na Ijumaa Wikienda, Shilole alisema kuwa, amenenepa kwa ajili ya raha anazopewa na mumewe Uchebe na kuridhika na maisha yake, lakini siyo kwamba ana ujauzito.

Watu wengi wanasema hivyo, lakini mimi sina ujauzito, bali nimenenepa tu kwa raha anazonipa mume wangu,” alisema Shilole na kudai kwamba, wanaosema hivyo siyo watu wabaya kwani wanamtakia heri na mambo mazuri“.

Mwanamuziki wa Bongo fleva Zuwena Mohamed ‘Shilole’ amefunguka na kukiri haoni ubaya wa yeye kukata mauno stejini maana yupo kazini.

Suala limekuwa ishu baada ya video yake akiwa anatumbuiza stejini huku anakata kata mauno kihasara hasara stejini kusambaa Kwenye mitandao ya kijamii.

Ndipo watu kuanza kuhoji inakuwaje mke wa mtu anafanya mambo yake hadharani lakini Shilole amewazima watu hao na kusisitiza kuwa Mume wake anajua anachofanya hivyo haoni kama kuna tatizo.

Shilole amefunguka alipohojiwa na Global Publishers kuhusu hilo na kuweka wazi kuwa anawashangaa watu wanaozungumza kuhusu hilo wakati wanajua wazi kuwa ile ndio kazi yake na mume wake Uchebe analitambua hilo hivyo hana neno juu ya hilo.

Mume wangu Uchebe (Ashraf) anajua nikiwa kazini, chochote naweza kufanya jukwaani, haoni shida maana ananipenda na kazi yangu hivyo wanaosema ninawasihi waache kwani pale nilikuwa kazini kwa hiyo lazima niwapagawishe mashabiki wangu”.

 

Mume wa Mwanamuziki wa Bongo fleva Shilole, Uchebe amefunguka kuhusiana tetesi zilizoiandama ndoa yao mwanzoni mwa wiki hii ambapo ilisemekana kuwa wameachana.

Tetesi hizo ziliwashwa pale ambapo Uchebe aliweka UA jeusi kwenye ukurasa wake wa Instagram kuashiria penzi limeingia shubiri na baadae Shilole alilalamika kwenye redio kuwa Uchebe amempa kipigo cha mbwa mwizi.

Alipohojiwa mwandishi kutoka East Africa Tv, Shilole alikana tuhuma zote hizo na kusisitiza kuwa hajaachana na mume wake na wala hana mpango wa kufanya hivyo kwa muda wowote kuanzia sasa.

Lakini na Uchebe nae amesisitiza kuwa hajaachana na mke wake bali kuna watu ambao wanafiki hawataki kuwaona wakiwa wote na nia yao kubwa na kuwagombanisha ili waachane.

Uchebe alipoulizwa kuhusiana na lile Ua alilo liposti ambalo lilizua mambo yote hayo Uchebe alidai kuwa kuna mtu alimhack kwenye akaunti yake na kuuweka upuuzi ule.

Sio kweli sijaachana na mke wangu na wala hatufikirii kuachana, kuna watu wanafiki wanapenda kusikia tumeachana, kuhusu ile post kuna mtu alifanikiwa kuhack acount yangu na kupost vile lakini sijamuacha mke wangu, na wala hatuna ugomvi, na niwaambie tu kuwa hatuachani leo hata kiama”.

Wawili hao walifunga ndoa ya siri mwaka jana mwishoni lakini walikuja kuhalalisha kwa sherehe mapema mwaka huu.

Msanii machachari kabisa wa Bongo fleva mwanadada Shilole amefunguka na kusema katu hatokaa akubali mume wake Uchebe aje aoe mke wa pili kwani yeye hana kasoro yoyote.

Siku chache zilizopita Mkuu wa wilaya ya Pangani, Tanga Bi. Zainab aliushangaza uma wa Watanzania na hata baadhi ya nchi za jirani kwa uamuzi wake wa kumruhusu mume wake aoe mke wa pili ili wasaidiane majukumu ya kumlea.

Baada ya sakata hilo kutrend vibaya mno kwenye mitandao ya kijamii Millard Ayo Tv ilimsaka msanii Shilole ili kumuuliza nini mtazamo wake juu ya jambo hilo kwani na yeye ni mwanamke wa kiislamu aliyeolewa na mwanaume wa kiislamu je kama ataweza kukubali Uchebe alete mke wa pili.

Kwenye Interview hiyo Shilole alifunguka haya yafuatayo:

Kwanza nikuweke wazi kabisa kuwa mimi mume wangu hawezi kuoa mke wa pili hata siku moja yaani hata kama dini inaruhusu unaoa mke wa pili ili iwaje yaani , kwanini? Yaani mimi nina  mapungufu gani mpaka ukaoe mke mwingine mtu mwingine ana mapungufu huwezi kujua lakini mimi sina mapungufu yoyote na mume wangu hawezi kuniacha na kuoa mke wa pili”.

Shilole amesisitiza wanaume wanaotaka kuoa wake wengi kibao hawaijui dini na wanaoa wake wengi kwa ulafi na tamaa lakini pia amesema endapo mume wake atataka mke mwingine basi atamuacha aoe kwa amani.

Mwanamuziki wa Bongo fleva Shilole amefunguka na kusema kwenye ndoa yake na Uchebe hawana drama zozote hasa mambo ya kumpiga makofi hawezi kwa sababu Uchebe ni gentleman.

Shilole aliwashtua watu wengi ikiwemo familia yake baada ya kufunga ndoa ya siri iliyohudhuriwa na watu wasiopungua kumi tu nyumbani kwa Babu Tale usiku usiku huku baadhi ya ndugu zake kuonyesha wazi kutofurahishwa na jambo hilo.

Lakini tangu afunge ndoa Shilole amewashangaza wengi kwa ukimya kutawala kwani Kumekuwa na drama nyingi katika mahusiano mengi ya nyuma ya Shilole kwaiyo hali ya ukimya miezi yote hii ni hali ya kushangaza kidogo.

Lakini pia habari za Shilole kuwa mbabe na kuwachapa makofi wapenzi wake sio suala geni kwa mashabiki zake na baada ya kufunga ndoa na Uchebe wengi walikuwa wanasubiria siku Uchebe apigwe makofi ya nguvu na Shilole.

Lakini kwenye Interview aliyofanya na Enews ya East Africa Tv, Shilole amekiri kuwa tabia hiyo ameiacha na ilikuwa ni utoto tu fununu kuwa Uchebe ni kiburi na mkorofi zaidi yake Shilole amelieleza hapa:

Mume wangu ni like gentleman ni mwanaume ambaye ana msimamo mtu akiwa na msimamo kama hujamjua unaweza kusema ana kiburi alafu mimi nilishamjulia mume wangu anapenda nini na yeye alishajua ninapenda nini kwaiyo mambo yanaenda vizuri. Halafu suala la kumpiga makofi kwa Uchebe siwezi pale inakuwa ngumu mwenyewe unamuona yule alikuwa anapigana ana mkanda yule lakini nikimpiga nampiga makofi ya chumbani tu ya kimahaba kaniruhusu mwenyewe lakini kupigana ngumi na mume wangu haitotokea”.

Lakini pia Shilole amesisitiza kuwa tabia yake ya kupiga wanaume ilikuwa zamani ambayo ni tabia ya kitoto aliyokuwa anafanya lakini hivi sasa amekuwa hivyo hawezi kunyanyua mkono wake na kumpiga mumewe na mumewe hawezi kumpiga.

Mrembo aliyewahi kuwa Meneja wa wasanii mbali mbali wa Bongo fleva kama vile Maua Sama, Msami baby pamoja na Dito huku akifanya kazi kwa karibu pamoja na wasanii wengine kama Shilole na wasanii wengine.

Rey Jones ambaye ni maarufu kama chui jike amesema anatamani sana rafiki yake Shilole awe mtu wa swala tano kama mume wake Uchebe.

Rey Jones amesema ingawa Shilole ni muislamu mzuri tu tayari lakini anatamani awe kama uchebe ambaye hakosi swala tano kwa siku.

Msanii maarufu Bongo Shilole aliuaga ukapera mwaka jana mwishoni baada ya kufunga ndoa ya siri na mume wake wa hivi sasa Uchebe ambaye ni swala tano na ameshika sana dini.

Rey Jones alimpa ushauri huo Shilole kwenye interview aliyofanya na kituo cha Dizzim Online ambpo alifunguka yafuatayo:

Uchebe ni mtu wa dini dini sana natamani na Shilole nimuone kwenye upande huo ingawa ndio yupo huko tayari lakini ana utofauti na mumewe maana Uchebe ni wale wanaitwa swala tano ile yaani kwa siku hakosi hata moja ila shishi Kama anapiga basi itakuwa moja anagusa gusa yaani mimi nataka aanze kuzipiga zote”.

 

Usiku wa Jana ilikuwa sherehe ya harusi (Wedding reception) ya Shilole na Uchebe ambayo ilipambwa kwa kuhudhuriwa na mastaa kibao ambao walimwaga mapesa kwa maharusi.

Ingawa noa rasmi ilifungwa ghafla na kimya kimya mwaka Jana mwishoni kwenye harusi iliyohudhuriwa na watu wasiopungua kumi huku ndufu wa Shilole wakifanya fujo kwa kukataa harusi hiyo isifungwe ingawa mwishowe ikafungwa.

Siku ya Jana kwenye sherehe iliyofanyika rasmi ilihudhuriwa na mastaa wa Bongo movie na bongo fleva kama vile Irene Uwoya na Dogo Janja, Queen Darlene, Diamond, Jacqueline Wolper, Harmonize na Sarah, Babu Tale, Madee, Mbosso, Rachel kizunguzungu na wengine wengi.

Kama kawaida mastaa hao kila mmoja alipata wasaa wa kutoa zawadi kwa maharusi na walifanya kufuru kweli.

1. Harmonize na Sarah

Harmonize na mpenzi wake walianza kwanza kuwamwagua maharusi mahela kibao yaani kuwatunza na walifuatia kwa kuwazawadia gari aina ya Noah lenye thamani ya shilingi milioni Tisa za kitanzania.

2. Vanessa Mdee

Vanessa aliwazadia maharusi Shilole na Uchebe kiasi cha pesa ambacho kitatumika kugharamia honeymoon ambayo watakwenda baada ya ndoa.

3. Juma Jux

Msanii Jux aliwapa maharusi zawadi ya kumsomesha mtoto mmoja wa Shilole shule mpaka atakapomaliza masomo yake.

4. Diamond Platnumz

Kama kawaida ya Diamond alimwambia Shilole achague zawadi yoyote atakayotaka na yeye bilashaka atagharamia kwa pesaa yake mwenyewe.

Uchebe ambaye ni mume wa mwanamuziki wa Bongo fleva Shilole, amefunguka na kudai kuwa ndoa yake kwa Shilole imembadilisha sana hasa kwenye suala la kunywa pombe.

Shilole na Uchebe walifunga ndoa ya siri iliyowashtua watu wengi mwezi mmoja uliopita harusi iliyohudhuriwa na watu kumi tu huku ndugu wa karibu wakipinga harusi hiyo kufanyika hadi kufikua hatua ya kupelekana polisi na dada yake kwa kile kilichodaiwa kuwa alifanya fujo ili kuzuia ndoa hiyo.

Lakini Shilole alisisitiza kuwa anampenda Uchebe na kuishia kufunga naye ndoa. Mwezi mmoja baada ya kufunga ndoa na Shilole, Uchebe amefunguka kuhusu maisha ya ndoa na mkewe.

Kwenye mahojiano aliyofanya na Millard Ago Tv, Uchebe alizidi kufunguka yafuatayo:.

Tarehe ishirini inshallah mwenyezi Mungu akijaalia ndio tutafanya sherehe ya harusi yetu itakayo hudhuriwa na watu wengi zaidi ambao wanatutakia Kheri kea kweli. Lakini pia nashukru tangia tumefunga ndoa mke wangu kabadilika sana hasa suala la pombe kapunguza kabisa yaani hakuwa hivi kwa jinsi nilivyomkuta na sasa tofauti kabisa hata nyie watu mnaomjua mtaona kuna utofauti fulani ila pombe taratibu taratibu ataacha kabisa maana zamani ilikuwa unakuta mtu kaamka asubuhi kashalewa analewa siku nzima Lakini tangu tumefunga ndoa pombe anakunywa kidogo jioni mpaka jioni “.

Lakini pia Uchebe aneongelea suala la akaunti feki kwenye mitandao ya kijamii ambayo inatumia jina lake na kutukana watu ovyo na kuwasihi watu waipuuzie kwani ni wazi kabisa kuwa siyo yeye.

Mwanamuziki wa Bongo fleva Zuwena Ashraf ‘Shilole’ amefunguka na kudai hajaingia kwenye ndoa kucheza mduara yupo kwenye ndoa mazima.

Shilole alizua gumzo wiki iliyopita baada ya kufunga ndoa ya siri na kimya kimya pamoja na mpenzi wake ambaye kwa sasa ni mumewe Uchebe. Ndoa hiyo imezua gumzo Sana kwani ndugu wa Shilole hawakutaka aolewe na Uchebe hadi kufikia hatua ya Shilole kumpeleka Dada yake polisi baada ya kuchukua Simu yake ilimradi tu wazuie harusi hiyo.

Pamoja na misukosuko hiyo Shilole na Uchebe walifunga ndoa ambayo ilihudhuriwa na watu kumi tu. Lakini tangu ndoa hiyo imefungwa Shilole amekuwa mtu wa kulalamika maneno ya kejeli yanayorushwa na watu dhidi ya ndoa yake na Uchebe.

Shilole amefunguka na kusema kuwa watu wasimfikirie ameamua kuingia kwenye ndoa kama maonyesho bali amedhamiria kwenda  kuwa mke mwema anayestahili na kuwa mfano wa kuigwa.

Shilole ameongeza kuwa anajua wazi kuwa kuna watu wanamhesabia siku za ndoa yake kuvunjika kama ilivyo kwa mastaa wengine, lakini kwa jinsi alivyodhamiria kutulia kwenye ndoa yake atawashangaza walimwengu.

Najua wazi watu watakuwa wananihesabia siku ndani ya ndoa yangu lakini ukweli ni kwamba nitawashangaza watu wengi na sina sababu ya kuacha kuwa mke bora na mwenye heshima kwa mume wangu kipenzi Uchebe na uhakika Mwenyezi Mungu atatupa miaka mingi”.

.

 

Msanii wa Bongo movie Zuwena Ashraf ‘Shilole’ amewajia juu watu wote walio kifua mbele kuisema na kuiponda ndoa yake na Uchebe.

Shilole na Uchebe walifunga ndoa ya siri wiki iliyopita iliyofanyika Nyumbani kwa Meneja wa Diamond Babu Tale na kugudhuriwa na watu wasiopungua kumi.

Tangu ndoa hiyo imefungwa kuna maneno mengi yameibuka mitandaoni hasa kwa sababu kuna ripoti zilizodai kuwa familia ya Shilole haikukubaliana na ndoa hiyo hadi kufikia hatua ya ugomvi mkubwa kutokea kati ya Shilole na Dada yake hadi kufikia hatua ya kupelekana polisi.

Baada ya maneno kuzagaa mtandaoni kuhusu Ndoa hiyo Shilole ameibuka na kudai kusikitishwa na habari za majungu zinazoendelea kusambaa kumhusu mume wake Uchebe:

Kwenye mahojiano na gazeti la Mtanzania Shilole amezidi kufunguka haya:

Mfa maji haishi kutapa tapa , Ndoa yangu imewaumiza wengi wasionipenda, nimeona maneno mengi ya kashfa na majungu wakinichafua sasa mimi nasonga mbele na maisha yangu sina habari na mtu”.

Lakini pia Shilole ameeleza kuwa pamoja na kwamba watu wanamchafua lakini anaamini ndoa yake itadumu na kwa sasa familia yake ipo vizuri na ndoa yake.

Mwanamuziki wa Bongo fleva Zuwena Ashraf maarufu kama  ‘Shilole’ amefunguka kwa mara ya kwanza kuhusiana na ndoa yake iliyofungwa wiki iliyopita.

Shilole na mume wake Uchebe walifunga ndoa ya kushtukiza na ya ghafla mapema wiki iliyopita. Ndoa hiyo ilifungwa kimya kimya huku ikihudhuriwa na watu wasiopungua ishirini.

Habari zilizotapakaa mtandaoni ni kuwa ndoa hiyo ilikuwa ya siri kwa sababu ndugu wa Shilole hawakutaka aolewe na Uchebe kwa sababu zisizojulikana na hivyo kupelekea wao kuisusia ndoa hiyo lakini pia kuna habari zilizodai kuwa Ndoa hiyo ilikuwa ya ghafla kwa sababu Shilole ni mjamzito.

Kwenye mahojiano na Millard Ayo Tv Shilole aliulizwa hasa kwa nini ndoa hiyo ilikuwa ya ghafla na kwa nini ndugu hawakuhudhuria:

Ndoa ilikuwa ya kimya kimya kwa sababu walinifata Maustadhi wakaniambia ndoa haitangazwi inatakiwa kufanywa kwa siri kwa sababu husda nyingi na mambo ni mengi kwaiyo nikafunga Ndola ya kislaamu kwaiyo kilichobaki ni sherehe tu lakini kabla ya Ndoa kuna matatizo ya kifamilia tu yalitokea kuna Dada yangu hakutaka mimi niolewe lakini nilimwambia mimi nimeshafikia umri wa kuolewa sasa sijui ananionaga mimi bado bikra? Nikamwambia dada mimi nataka kuolewa nimeshapata mtu ninampenda usinichagulie mtu wa kuwa naye isitoshe bwana kanipenda nina watoto wawili tayari basi nikawa nishaamua mtu mwingine hawezi kunichagulia mwanaume”.

Shilole amesisitiza kuwa lengo lao la kufanya bonge la sherehe liko pale pale kwani tarehe ishirini na tano watafanya bonge la party watu watakula na kusaza mpaka watabeba takeaway.

Uchebe Ashraf ambaye ni mchumba wa Mwanamuziki wa Bongo fleva, Shilole Kiuno amefunguka na kudai ni bora afe kuliko kuishi maisha yake bila kuwa na mpenzi wake Shilole.

Wiki iliyopita kuna habari zilienea na zikisindikizwa na picha iliyomuonyesha Shilole na mpenzi wake wa zamani Nuhu Mziwanda wakiwa kitandani wamelala kimahaba kabisa huku habari zikidai kuwa Shilole kamwaga mchumba ake Uchebe na kumrudia Nuh Mziwanda.

Lakini mara tu habari hizo zilivyoanza kuenea Shilole alitumia mitandao ya kijamii kukana taarifa hizo na kuweka wazi kuwa ile picha iliyokuwa inasambaa mtandaoni ilikuwa ni picha ya zamani enzi yupo na Nuh na aliyesambaza picha hizo ni Nuh katika jitihada zake za kutaka kumgombanisha na Uchebe, tuhuma ambazo Nuh alizikataa kupita kiasi.

Baada ya sakata hilo Mpenzi wa Shilole, Uchebe aliweka wazi kuwa taarifa hizo zilikuwa za kweli lakini pamoja na hayo kuliko kumuacha Shilole basi bora afe tu. Kwenye mahojiano aliyofanya na Over The Weekiend Uchebe amekiri kuwa pamoja na kuwa amegundua kuwa Shilole alirudisha penzi lake kwa bwana ake wa zamani Nuh Mziwanda lakini hayuko tayari kumuacha:

Najua Shilole amenikosea sana  lakini siko radhi kumuacha ninampenda mno na niko radhi kupoteza maisha yangu  kwa ajili yake au niuze chochote nilichonacho ilimradi tu nimridhishe kwa chochote atakacho yeye”.